Varnarmaðurinn Halldór Kristinn Halldórsson gekk til liðs við uppeldisfélag sitt Leikni í vikunni eftir að hafa leikið með Keflavík undanfarin tvö ár.
,,Það var mjög erfitt að taka ekki þátt í því þegar Leiknir komst upp en mér leið svo rosalega vel í Keflavík. Ég þurfti að hugsa mig aðeins um en að lokum var þetta rétt ákvörðun held ég," sagði Halldór Kristinn í útvarpsþættinum Fótbolti.net á X-inu í gær.
,,Það var mjög erfitt að taka ekki þátt í því þegar Leiknir komst upp en mér leið svo rosalega vel í Keflavík. Ég þurfti að hugsa mig aðeins um en að lokum var þetta rétt ákvörðun held ég," sagði Halldór Kristinn í útvarpsþættinum Fótbolti.net á X-inu í gær.
,,Mér hefur alltaf liðið vel með Kristjáni (Guðmundssyni) og það var erfitt að yfirgefa stað þar sem manni hefur liðið vel á. Ég hef verið í Breiðholtinu áður og ég veit að mér líður vel þar líka."
Halldór Kristinn mun berjast við Óttar Bjarna Guðmundsson og Edvard Börk Óttharsson um sæti í liðinu. ,,Ég geri mér fyllilega grein fyrir því. Leiknir fékk mjög fá mörk á sig. Frammistaða hafsentana var góð en samkeppni gerir mér og öðrum bara gott."
Leiknir mun taka þátt í Pepsi-deildinni í fyrsta skipti næsta sumar. ,,Það eru allir mjög spenntir. Leiknir er lítið lið ef þú horfir á önnur lið í deildinni en minnimáttarkenndin er engin. Þetta verður rosalega spennandi og skemmtilegt."
Hér að ofan má sjá viðtalið í heild sinni.
Athugasemdir