Tveir leikir fóru fram í ítölsku deildinni en bæði Juventus og Roma unnu sína leiki. Paul Pogba skoraði tvö fyrir ítalska meistaraliðið.
Roma lagði Atalanta með tveimur mörkum gegn einu. Maxi Moralez kom Atalanta yfir á fyrstu mínútu leiksins áður en Adem Ljajic jafnaði metin tuttugu mínútum síðar.
Radja Nainggolan skoraði sigurmark Roma undir lok fyrri hálfleiks og á sama tíma fór Juventus létt með Lazioa.
Paul Pogba kom Juventus yfir á 25. mínútu áður en Carlos Tevez bætti við marki í byrjun síðari hálfleiks.
Pogba skoraði svo þriðja mark Juventus þegar um það bil hálftími var eftir og þægilegur sigur Juventus í höfn.
Úrslit og markaskorarar:
Atalanta 1 - 2 Roma
1-0 Maxi Moralez ('1 )
1-1 Adem Ljajic ('23 )
1-2 Radja Nainggolan ('42 )
Rautt spjald:Richmond Boakye, Atalanta ('90)
Lazio 0 - 3 Juventus
0-1 Paul Pogba ('25 )
0-2 Carlos Tevez ('55 )
0-3 Paul Pogba ('64 )
Athugasemdir