Crystal Palace fær Liverpool í heimsókn í fyrri leik dagsins í ensku úrvalsdeildinni.
Liverpool menn eiga ekki góðar minningar frá Selhurst Park frá síðustu leiktíð en liðin gerðu 3-3 jafntefli í eftirminnilegum leik þar sem Liverpool komst í 3-0.
Crystal Palace vonast til að lyfta sér uppúr fallsæti með sigri en liðið situr í 19.sæti deildarinnar með 9 stig. Liverpool hinsvegar í 11.sæti með 14 stig. Langt er síðan þessi lið unnu síðast leik og því ljóst að eitthvað verður undan að láta í dag.
Daniel Sturridge er fjarri góðu gamni eins og allir vita og mun Rickie Lambert leiða framlínu Liverpool í dag en kappinn sá á enn eftir að skora mark fyrir félagið. Jordan Henderson er ekki í liði Liverpool en hann er sagður glíma við veikindi. Neil Warnock stillir upp sínu sterkasta liði en liðið vann síðast leik þann 27.september.
Byrjunarlið Crystal Palace:Speroni, Kelly, Delaney, Dann, Ward, Jedinak, Ledley, Bolasie, Puncheon, Chamakh, Gayle
Byrjunarlið Liverpool:Mignolet, Manquillo, Lovren, Skrtel, Johnson, Gerrard, Allen, Lallana, Coutinho, Sterling, Lambert
Athugasemdir