Mauricio Pochettino
Mauricio Pochettino, knattspyrnustjóri Tottenham Hotspur á Englandi, var ánægður með 1-2 sigur liðsins á Hull City í ensku úrvalsdeildinni í dag.
Tottenham rétt marði Hull en liðið lenti undir á 8. mínútu er Jake Livermore kom Hull yfir með frábæru marki.
Gaston Ramirez var rekinn af velli í byrjun síðari hálfleiks og Tottenham gekk á lagið. Harry Kane jafnaði metin áður en Christian Eriksen skoraði sigurmarkið undir lok leiks með laglegu skoti.
,,Þetta var mikilvægur sigur fyrir stuðningsmennina og félagið. Við sýndum það í byrjun síðari hálfleiks að við erum betra lið. Það er aldrei auðvelt að spila gegn tíu leikmönnum en þegar uppi er staðið þá áttum við sigurinn skilið," sagði Pochettino.
Athugasemdir
