Radamel Falcao, framherji Manchester United á Englandi, staðfesti í dag á samskiptavef Twitter að hann sé byrjaður að æfa á nýjan leik.
Falcao hefur ekki spilað með Manchester United í mánuð en hann hefur verið frá vegna meiðsla í kálfa.
Louis van Gaal, stjóri Man Utd, ákvað að velja hann ekki í hópinn gegn Arsenal í gær og greindi þar frá því að Falcao kæmi ekki til með að spila næstu tvær vikurnar.
Kólumbíski framherjinn kom þó með jákvæðar fréttir á Twitter í dag en hann segist vera hundrað prósent klár.
,,Mættur aftur á æfingu og er 100 prósent klár og tilbúinn til þess að hjálpa liðinu í næstu leikjum," sagði Falcao.
Athugasemdir