Genoa er komið í fimmta sæti ítölsku deildarinnar eftir jafntefli á heimavelli gegn Palermo.

Paulo Dybala hefur verið að gera góða hluti hjá Palermo og skoraði fyrsta mark leiksins snemma eftir flott einstaklingsframtak.

Dybala var nálægt því að tvöfalda forystu gestanna þegar bjargað var á línu á 28. mínútu leiksins en tveimur mínútum síðar jöfnuðu heimamenn með marki frá Andrea Bertolacci.

Leikurinn var jafn þar sem bæði lið fengu sinn skerf af færum og sanngjarnt jafntefli niðurstaðan. Palermo er í 13. sæti, fimm stigum frá fallsæti, eftir jafnteflið.