Heimild: Mbl.is
Markmannsþjálfarinn Guðmundur Hreiðarsson er hættur í þjálfarateymi KR en þetta kemur fram á vefsíðu Morgunblaðsins.
„Það eru engin illindi á bakvið það. Þetta er bara niðurstaðan,“ sagði Guðmundur við Sindra Sverrisson íþróttafréttamann.
„Ég er bara að gæla við það að einbeita mér að landsliðinu og gera það enn betur en ég hef gert hingað til. KR er toppklúbbur og það hefur verið frábært að vinna þar með Pétri, Rúnari, Loga, Steina Gísla, og svo öllum markvörðunum sem hafa verið þar. Það hafa verið forréttindi en nú geri ég hlé á þessum kafla í lífi mínu, alla vega hvað KR varðar."
Henrik Bödker er sterklega orðaður við KR en hann er hættur hjá Stjörnunni þar sem hann hefur verið markmannsþjálfari ásamt því að sjá um að redda félaginu dönskum leikmönnum.
Athugasemdir