Klopp vonast nú til að Dortmund liðið komi sterkari til baka eftir jólafrí.

Davie Selke kom Bremen yfir snemma leiks og Fin Bartels tvöfaldaði forskot heimamanna eftir um klukkutíma leik.

Mats Hummels minnkaði muninn fyrir Dortmund en það dugði ekki til og komst Bremen af botninum með sigrinum og sendi Dortmund í 17. og næst neðsta sæti deildarinnar.

Klopp var allt annað en sáttur við sína menn eftir leik.

,,Bestu fréttir dagsins eru þær að við þurfum ekki að spila meiri fótbolta á árinu. Við eigum skilið alla okkar gagnrýni og við erum eins og algjörir hálfvitar og það er okkur að kenna."

,,Við þurfum að æfa vel á næstu þremur vikum og laga það sem við höfum gert," sagði Klopp að lokum.

Dortmund hefur leik í Bundesliguni með útileik gegn Bayer Leverkusen, 31. janúar.