Brasilíska félagið Internacional á í viðræðum við Manchester United um að fá miðjumanninn Anderson.
Miklar vonir voru bundnar við Anderson þegar hann var keyptur fyrir 20 milljónir punda árið 2007, en hann hefur átt í miklum erfiðleikum með að festa sig í sessi undanfarin tímabil.
Var hann meðal annars lánaður til Fiorentina á síðari helming síðustu leiktíðar, en ítalska félagið ákvað að það myndi ekki kaupa leikmanninn.
Fyrr í mánuðinum var greint frá því að ekkert félag hefði spurt um Anderson, en nú hefur orðið breyting á og gæti hann því farið frá félaginu um helgina.
Athugasemdir