,,Ég þekkti deildina eftir að hafa verið hér áður. Það sem er öðruvísi en heima er að þú ert með stærra teymi í kringum þig og fleiri sem þú þarft að stýra og stjórna. Það er ekki bara Gummi Ben sem er tiltölulega þægilegur í samskiptum," sagði Ólafur Kristjánsson þjálfari Nordsjælland í viðtali í útvarpsþættinum Fótbolti.net á laugardag.
,,Þetta er vinna og fótbolti í hausnum á manni í 24 tíma, 7 daga vikurnar, eins og hjá fleirum. Þetta er gríðarlega skemmtilegt."
Ólafur keypti Guðmund Þórarinsson frá Sarpsborg á dögunum. ,,Ég er búinn að fylgjast með Gumma síðan hann og ég vorum heima. Mér hefur alltaf fundist hann vera spennandi leikmaður. Hann hefur þroskast vel og það var góður tímapunktur að taka hann núna. Við seldum miðjumann (Anders Christiansen) til Ítalíu (til Chievo) í janúar og þá losnaði pláss sem er flott að fá hann til að fylla."
,,Hann þarf að læra og þroskast sem leikmaður. Hann vill mikið vera þar sem boltinn vera og það er jákvætt en líka neikvætt. Hann þaf að læra að láta leikinn koma til sín en ekki vera alltaf að elta leikinn. Hann er með góðan vinstri fót og góða tækni auk þess sem leikskilningurinn er alltaf að lagast.."
Ólafur reyndi einnig að fá varnarmanninn Sverri Inga Ingason frá Viking en hann fór á endanum til Lokeren í Belgíu. Guðmundur, Guðjón Baldvinsson, Rúnar Alex Rúnarsson og Adam Örn Arnarson eru allir hjá Nordsjælland en Ólafur segist þó ekki horfa of mikið til Íslands í liðsstyrk.
,,Ef það eru leikmenn sem passa inn hjá okkur og hafa möguleika á að vera betri þá kíki ég á það en ég þarf líka að passa mig á því að hér verði ekki 7-8 Íslendingar,"
Hér að ofan má hlusta á viðtalið í heild sinni.
Athugasemdir