„Ég held að það eigi við um alla leikmenn sem við kaupum, fyrsta tímabil getur alltaf verið erfitt. Við verðum að gefa honum tíma, ekki bara honum heldur öllum nýjum mönnum. Við bíðum og sjáum," segir Van Gaal.

„Það er misjafnt hversu langan tíma það tekur fyrir menn að aðlagast, ekki bara leiknum heldur menningunni. Hefðbundna svarið er eitt ár en það er ekki hægt að gefa pottþétt svar."

United á erfiða leikjadagskrá framundan. Liðið mætir Newcastle á morgun áður en það leikur gegn Arsenal í bikarnum og mætir svo Tottenham og Liverpool sem eru með því í baráttunni um Meistaradeildarsæti.

Miðjumaðurinn Michael Carrick er að snúa aftur eftir meiðsli en Van Gaal segir að leikurinn á morgun komi of snemma til að hann geti byrjað. Robin van Persie verður ekki með á morgun þar sem hann er að glíma við ökklameiðsli.