Sturridge missti af fimm mánuðum fyrr á tímabilinu vegna meiðsla en hann hefur verið að koma hægt og rólega inn í lið Liverpool undanfarnar vikur.

Sturridge kom inn á sem varamaður gegn Manchester City um helgina og Rodgers bíður spenntur eftir að sjá hann meira í nýju leikkerfi Liverpool sem hefur skilað góðum árangri á þessu ári.

,,Daniel er ekki í sínu besta formi ennþá og þetta er erfitt fyrir hann af því að það eru engir æfingaleikir á dagskrá til að komast í leikform," sagði Rodgers.

,,Hann er spenntur fyrir nýja kerfinu. Ef við setjum Daniel Sturridge inn í þetta kerfi þá mun hann blómstra á ný. Í lok vikunnar verður Daniel á fínu skriði og þá getur hann farið að æfa á fullu og spila alla leiki."