Ísland tapaði fyrsta leik sínum á æfingamóti kvennalandsliða í Algarve þar sem Sviss lagði íslensku stúlkurnar af velli með tveimur mörkum gegn engu.
Freyr var ánægður með frammistöðu landsliðsins sem hann segir ekki vera í jafn góðu formi og andstæðingarnir sem eru með ellefu leikmenn í efstu deild Þýskalands sem er í fullum gangi um þessar mundir.
Freyr var ánægður með frammistöðu landsliðsins sem hann segir ekki vera í jafn góðu formi og andstæðingarnir sem eru með ellefu leikmenn í efstu deild Þýskalands sem er í fullum gangi um þessar mundir.
,,Það var margt jákvætt, við fórum gegnum lágpressu á æfingunum fyrir leik og hún gekk vel. Þær opna okkur aldrei í leiknum sem er mikil framför frá síðustu leikjum gegn þeim," sagði Freyr.
,,Þær skora úr víti sem var heldur betur ódýrt og svo skora þær úr langskoti, stöngin inn. Auðvitað er það svekkjandi og við vildum fá betri úrslit en samt sem áður tökum við frammistöðuna, varnarleikinn, hvað við náðum að halda þeim í skefjum og að við sköpuðum okkur fleiri færri en áður gegn Sviss. Sköpuðum góð færi og áttum sennilega að fá víti en ég er ósáttur við föst leikatriði."
Næsti leikur Íslands í mótinu er gegn Norðmönnum sem eru að spila við Bandaríkin og er staðan þar markalaus eftir hálftíma leik.
,,Við munum breyta leiknum okkar á móti Noregi. Við munum blanda hápressunni og lágpressunni og þurfum að æfa föst leikatriði."
Freyr notaði margar ungar og reynslulitlar landsliðskonur sem stóðu sig vel gegn sterku liði Sviss.
,,Við erum mjög ánægð með ungu stelpurnar. Sviss var með sitt sterkasta lið fyrir utan einn leikmann og ég er stoltur af þeim. Þær voru að spila við leikmenn í hæsta gæðaflokki og þetta hjálpar okkur að styrkja hópinn fyrir næstu undankeppni."
Athugasemdir