Fyrst við höfum birt úrvalslið umferðarinnar í ensku úrvalsdeildarinnar þá er ekki úr vegi að birta floppliðið. Úrvalslið leikmanna sem voru alls ekki að standa undir væntingum í leikjunum í miðri viku. Goal.com tók saman.
BEN FOSTER | Aston Villa 2-1 West Brom | Heppinn að fá ekki á sig klaufalegt mark í upphafi leiks þegar hann missti boltann í gegnum klof sitt. Í blálok leiksins gaf hann svo víti á klaufalegan hátt og Aston Villa fagnaði sigri.
SANTIAGO VERGINI | Hull City 1-1 Sunderland | Var í tómu tjóni á KC leikvanginum.
STEVEN CAULKER | QPR 1-2 Arsenal | Höndlaði hreyfanleika Arsenal engan veginn.
MATTHEW UPSON | Manchester City 2-0 Leicester City | Náði ekki að ráða við hraða Sergio Aguero.
MARTIN KELLY | Southampton 1-0 Crystal Palace | Tapaði baráttuinni fyrir Sadio Mane sem skoraði sigurmarkið.
AARON LENNON | Stoke City 2-0 Everton | Ósýnilegur í leiknum.
GARETH BARRY | Stoke City 2-0 Everton | Tapaði baráttunni fyrir Charlie Adam og var á endanum tekinn af velli.
LEE CATTERMOLE | Hull City 1-1 Sunderland | Afrekaði það aðeins að fá enn einu sinni gult spjald.
ANGEL DI MARIA | Newcastle 0-1 Manchester United | Vandræðin halda áfram hjá Argentínumanninum hæfileikaríka sem átti hörmulegan dag.
OSCAR | West Ham 0-1 Chelsea | Náði ekki að vera skugginn af sjálfum sér.
WILFRIED BONY | Manchester City 2-0 Leicester City | Klúðraði dauðafæri og var heppinn að fá ekki á sig víti.
Athugasemdir
