Íslenska landsliðskonan Dagný Brynjarsdóttir gekk í raðir Bayern München fyrr á þessu ári en hún gekk í raðir félagsins frá Florida State University. Dagný er nú stödd með landsliðinu á Algarve en Fótbolti.net heyrði í henni í útvarpsþættinum á laugardag.
Þar var hún meðal annars spurð út í gæðin í háskólaboltanum.
Þar var hún meðal annars spurð út í gæðin í háskólaboltanum.
„Mér finnst töluvert meiri gæði í háskólaboltanum en hér heima. Ég er sterklega að mæla með því fyrir yngri stelpur að fara út. Sérstaklega ef þær geta farið í góðan skóla. Þær eru hraðari, sterkari, betri sendinga- og skotmenn. Það sem skiptir mestu máli er að það eru fleiri góðar stelpur í liðunum," segir Dagný.
Bayern er í öðru sæti þýsku deildarinnar, tveimur stigum á eftir toppliði Wolfsburg. Dagný segir þó meiri áhuga á kvennafótbolta í Bandaríkjunum en Þýskalandi.
„Það eru þvílík gæði í fótboltanum í Þýskaland og landsliðsleikmenn í öllum stöðum. Boltinn er hraður en ég bjóst reyndar við því að það væru fleiri áhorfendur á leikjum í deildinni. Í Bandaríkjunum er áhuginn á kvennaboltanum meiri og fleiri mæta á völlinn."
Samningur hennar við Bayern er út tímabilið en hún segist ekki reikna með að vera á heimleið í Pepsi-deildina.
„Það er ekki planið. Ég ætla að skoða það um páskana hvað ég ætla að gera næst. Það er ekki búið að bjóða mér nýjan samning ennþá en það kemur bara í ljós."
Viðtalið má heyra í spilaranum hér að ofan.
Athugasemdir