Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 27. mars 2015 23:05
Alexander Freyr Tamimi
Lengjubikarinn: HK vann Þrótt - Grindavík rétt náði í stig
Guðmundur Atli skoraði tvö í 3-0 sigri HK.
Guðmundur Atli skoraði tvö í 3-0 sigri HK.
Mynd: Fótbolti.net - Eyjólfur Garðarsson
Tveir leikir fóru fram í A-deild Lengjubikarsins klukkan 21:00 í kvöld og er þeim nú báðum lokið.

HK vann sannfærandi 3-0 sigur gegn Þrótti. Fyrsta mark leiksins kom frá Guðmundi Atla Steinþórssyni eftir rúman hálftíma og var staðan 1-0 í leikhléi.

Í síðari hálfleik bætti Guðmundur Atli svo við öðru marki áður en Árni Arnarsson innsiglaði sigur HK-inga. Þá fékk Alexander Veigar Þórarinsson í liði Þróttar svo að líta rautt spjald áður en leik lauk.

Grindavík rétt nældi sér í stig gegn Fjarðabyggð með því að jafna metin í 1-1 í uppbótartíma. Andri Þór Magnússon hafði komið Fjarðabyggð yfir en það var svo Jósef Kristinn Jósefsson sem jafnaði metin fyrir Grindavíkinga.

HK er nú í 3. sæti Riðils 1 í A-deildinni með 12 stig eftir sex leiki á meðan Þróttur er í 5. sætinu með 7 stig eftir jafn marga leiki.

Grindavík og Fjarðabyggð eru bæði með 7 stig í Riðli 3 í sömu deild.
Athugasemdir
banner
banner
banner
banner