Nú er nýlokið leik Vals og Þórs í Lengjubikarnum en liðin áttust við í Egilshöll.

Þórsarar mættu hálf vankaðir til leiks og voru lentir 2-0 undir eftir sjö mínútna leik. Á 21.mínútu fékk Kristinn Freyr Sigurðsson beint rautt spjald og í kjölfarið lifnaði aðeins yfir gestunum. Kristinn Þór Rósbergsson minnkaði muninn eftir rúmlega hálftíma leik.

Þórsarar byrjuðu seinni hálfleikinn hreint ekki betur en þann fyrri því eftir aðeins nokkrar sekúndur í seinni hálfleik skoraði varamaðurinn Haukur Ásberg Hilmarsson fyrir Val og staðan orðin 3-1.

Markavélin Jóhann Helgi Hannesson minnkaði muninn fyrir gestina á 75.mínútu og reyndu Þórsarar hvað þeir gátu að jafna leikinn á lokamínútunum. Það tókst þeim ekki og lokatölur 3-2 fyrir Val.