ÍBV og Þór/KA áttust við í Akraneshöllinni í dag í A-deild Lengjubikars kvenna.

Leikurinn var fjörugur frá upphafi til enda en Eyjastúlkur höfðu yfirhöndina í fyrri hálfleik og leiddu 3-1 þegar flautað var til leikhlés.

Sigríður Lára Garðarsdóttir kom ÍBV í 4-1 á 56.mínútu en nokkrum sekúndum síðar minnkaði Andrea Mist Pálsdóttir muninn fyrir Akureyrarliðið. Natasha Anashi skoraði svo fyrir ÍBV á 73.mínútu og staðan orðin 5-2.

Þór/KA voru ekki tilbúnar að gefast upp og Margrét Árnadóttir sem kom inná sem varamaður skoraði tvö mörk á síðustu tíu mínútum leiksins. Nær komust þær þó ekki og lokatölur 5-4 fyrir ÍBV.