„Við vildum vinna leikinn. Við vildum enda tímabilið á þrem stigum en við spiluðum ekki nógu vel. Við vildum ekki að fólk héldi að við værum ekki að reyna því þetta var stór dagur fyrir Hull og Newcastle".

Victor Valdes lék sinn fyrsta byrjunarliðsleik fyrir Man Utd og átti fínan leik. Rooney hrósaði honum sérstaklega.

„Victor Valdes var frábær. Hann átti nokkrar góðar vörslur og hélt okkur inn í leiknum. Það er ekki tilviljun að hann hafi unnið alla þessa titla", sagði Rooney.

Man Utd endar tímabilið í 4.sæti. Rooney kveðst ánægður með tímabilið og segir lítið vanta upp á til að liðið geti farið að berjast aftur um titla.

„Við vissum að ef við næðum Meistaradeildarsæti á þessu tímabili gætum við unnið út frá því. Með nokkrum nýjum leikmönnum getum við farið að berjast um titla".