Jóhannes Þór Harðarson hefur tímabundið látið af störfum sem þjálfari karlaliðs ÍBV. Þetta staðfesti knattspyrnudeild félagsins í tilkynningu sem gefin var út núna rétt í þessu.

Mun Jóhannes taka sér frí vegna veikinda innan fjölskyldunnar.

Í tilkynningunni kemur einnig fram að Ingi Sigurðsson og Tryggvi Guðmundsson munu stýra ÍBV um helgina þegar liðið mætir toppliði Breiðabliks.

Ingi er stjórnarmaður og fyrrum leikmaður liðsins, á meðan Tryggvi hefur verið aðstoðarþjálfari Jóhannesar.