Watford mun kaupa framherjann Matej Vydra frá Udinese í sumar eftir árangursríka lánsdvöl hjá fyrrnefnda liðinu.
Hinn tékkneski Vydra er 23 ára gamall og skoraði hann 16 mörk í 42 leikjum í Championship-deildinni í vetur. Hjálpaði hann liðinu í að vinna sér sæti í ensku úrvalsdeildinni.
Vydra lék einnig með Watford leiktíðina 2012-13 og skoraði þá 20 mörk. Hann lék síðan eina leiktíð með WBA í ensku úrvalsdeildinni en mistókst að slá í gegn þar.
Bæði Udinese og Watford eru í eigu Pozzo fjölskyldunnar, sem einnig á spænska félagið Granada.
Athugasemdir