Marca og AS greina frá þessu og hafa fjölmargir notendur Twitter tjáð sig um málið þar sem mikið grín er gert að því að tölvutengt vandamál hafi komið í veg fyrir svona stór félagsskipti. Orðrómurinn er orðinn svo stór að það var meira að segja greint frá honum á Sky Sports, sem er lítið fyrir orðróma.

Óljóst er hvort eitthvað sé til í þessum orðrómum, sem hafa fengið mikinn byr undir báða vængi á Twitter en verða að teljast ólíklegir í ljósi þess að nú er árið 2015.

Staðreyndirnar eru þó taldar vera þær að bæði Real Madrid og Manchester United vilja að félagsskiptin gangi í gegn og segjast bæði félög vera með sannanir fyrir því að hafa skilað öllum gögnum inn á réttum tíma.

Málið verður leyst í fyrramálið en helstu fjölmiðlamenn eru sammála sín á milli um að það er líklegra að De Gea fari til Real heldur en ekki.