„Þetta er stórkostlegt lið sem við eigum og besta lið Víkings frá upphafi," sagði Jónas Gestur Jónasson formaður Víkings frá Ólafsvík við Fótbolta.net eftir að liðið tryggði sér sæti í Pepsi-deildinni í kvöld.
Víkingur Ólafsvík er að fara í annað skipti upp í Pepsi-deildina. Hver er galdurinn?
„Það er vinna og eljusemi þeirra sem standa af liðinu. Menn hafa óbilandi trú á því sem menn eru að gera. Menn eru óeigingjarnir á sinn tíma og reyna allt til að gera sem besta aðstöðu. Það eru margar hendur sem koma að og vinna þetta verk."
„Við höfum ákveðna reynslu af því núna. Síðast var ákveðið reynsuleysi. Við vorum með fámennan hóp fyrri hlutann en fengum fína leikmenn í glugganum og voru að spila vel seinni hlutann. Þetta er reynsla sem við byggjum á og vonandi getum við gert betur en síðast."
Jónas vonast til að geta haldið leikmannahópnum nokkuð óbreyttum.
„Verkefni formanns næstu tvær vikurnar er að klára þá leikmenn sem við viljum gera samning við og vilja semja við okkur. Ég vona að við náum að halda þessu liði. Þá getum við gert virkilega góða hluti á næsta ári."
Hér að ofan má sjá viðtalið í heild sinni en þar talar Jónas einnig um aðstöðuleysi á veturnar í Ólafsvík.
Athugasemdir
