Hannes Þór Halldórsson, markvörður NEC Nijmegen í hollensku úrvalsdeildinni, gat mætt brosandi hringinn á æfingar í síðasta mánuði eftir að Ísland sigraði Holland og tryggði í kjölfarið sér farseðilinn á EM.
„Maður gat verið svolítill kall þarna í nokkra daga. Það var ekkert hægt að segja. Maður pakkaði öllum saman í öllum samtölum og það var mjög skemmtilegt," sagði Hannes fyrir landsliðsæfingu í dag.
Ísland hefur tryggt sér sæti á EM í Frakklandi á næsta ári en framundan eru tveir síðustu leikirnir í undankeppninni gegn Lettum og Tyrkjum.
„Það er ekki sama stressið núna en við tókum mjög góðan fund í gærkvöldi þar sem Heimir (Hallgrímsson) reif okkur niður á jörðina og sparkaði í rassgatið á okkur. Við erum samstíga í að gera vel í þessu verkefni. Undirbúa okkur eins og vanalega og gera allt til að vinna báða leikina."
„Við viljum stoltsins vegna vinna riðilinn fyrst við erum í þessari stöðu. Við erum keppnismenn og maður klæðir sig ekki í landsliðstreyjuna nema til þess að standa sig vel og vinna leiki. Við ætlum að gera allt sem við getum til að vinna leikina."
Hannes hefur staðið sig vel í marki NEC síðan hann kom til félagsins í sumar. „Liðinu gengur vel og þetta hefur verið fínt hjá mér líka. Ég er fullur sjálfstrausts og í góðum gír," sagði Hannes.
Hér að ofan má sjá viðtalið í heild sinni.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir