Kári Árnason, landsliðsmaður, hefur verið á fullu í Meistaradeildinni með sænska liðinu Malmö
„Úrslitin hafa ekki verið upp á marga fiska en það var fyrirséð. Við stefndum á 3. sætið í riðlinum og komast í Evrópudeildina. Það er ekki hægt að ætlast til meira þegar þú ert með PSG og Real Madrid í riðli," sagði Kári en Malmö er einnig með Shakhtar Donetsk í riðli.
Kári hefur átt í höggi við stórstjörnur eins og Cristiano Ronaldo og Zlatan Ibrahimovic undanfarnar vikur.
„Ég veit ekki hvort þeir hafi verið í öðrum gír. Maður hafði ágætis stjórn á þeim framan af en síðan geta þeir kveikt í einhverjum extra power og þá er lítið hægt að gera," sagði Kári. „Það er mikið sjálfstraust hjá þessum gæum og þeir sýna litla virðingu."
Ísland leikur við Lettland í undankeppni EM á laugardag en sætið í lokakeppninni er nú þegar tryggt.
„Þetta er snilld. Við erum búnir að tryggja þetta en við ætlum að klára þetta í fyrsta sæti. Við skuldum okkur sjálfum og þjóðinni það. Eftir góða spilamennsku væri grátlegt að tapa fyrsta sætinu. Við ætlum að vinna báða þessa leiki."
Hér að ofan má sjá viðtalið í heild sinni.
Athugasemdir