Harpa Þorsteins hlakkar til.
Harpa Þorsteinsdóttir, framherji Stjörnunnar, er spennt fyrir leik liðsins gegn rússneska liðinu WFC Zvezda 2005 í 32-liða úrslitum Meistaradeildar kvenna í kvöld.
Stjarnan mætir í kvöld sama liði og sló þær út í fyrra, en Zvezda vann fyrri leikinn í Garðabæ 5-2. Nú fá Stjörnustúlkur hins vegar tækifæri til að hefna sín á Samsung-vellinum, en leikurinn hefst klukkan 19:00.
Stjarnan mætir í kvöld sama liði og sló þær út í fyrra, en Zvezda vann fyrri leikinn í Garðabæ 5-2. Nú fá Stjörnustúlkur hins vegar tækifæri til að hefna sín á Samsung-vellinum, en leikurinn hefst klukkan 19:00.
„Þetta eru búnir að vera spennandi dagar eftir mót að bíða eftir þessum leik. Manni fannst þetta vera rosalega langur tími en svo komu landsliðsverkefni og annað í þetta, þannig þetta er ekki búið að vera neitt hrikalegt," sagði Harpa við Fótbolta.net.
„Þær eru með áþekkt lið og við líka þannig við vitum nokkurn veginn við hverju á að búast. Við lágum fyrir þeim 5-2 á heimavelli síðast en það var samt 2-2 á 90. mínútu eða eitthvað, þannig að tölurnar segja ekki hvað við áttum mikið í þeim leik. Við erum með sterkara lið núna ef eitthvað er, þannig þetta verður mjög spennandi viðtal. Þessi Rússagrýla er orðin mjög þreytt."
Athugasemdir
