„Mér fannst þeir ekki eiga mikið fram að því að þeir skora fyrsta markið. Þeir breyttust allt í einu í gott lið," segir Ari Freyr Skúlason, bakvörður íslenska landsliðsins.
Ísland tapaði 3-1 fyrir Slóvakíu í kvöld eftir að hafa verið yfir í leiknum.
Ísland tapaði 3-1 fyrir Slóvakíu í kvöld eftir að hafa verið yfir í leiknum.
„Við erum að skoða leikmenn og erum að prófa. Við ætlum að horfa á það jákvæða og reyna að gera það besta úr því."
„Við erum að fá á okkur sjö mörk í tveimur hálflleikjum. Auðvitað á maður að vera ósáttur við að tapa en við verðum að horfa fram á við."
Í fyrri hálfleik átti Ari í orðaskiptum við varamannabekki Slóvaka en heimamenn vildu að hann myndi sparka boltanum útaf vegna meiðsla.
„Ég sagði þeim bara að halda kjafti. Þegar maðurinn er staðinn upp þarf ekki að sparka boltanum útaf," segir Ari en viðtalið má heyra í spilaranum hér að ofan.
Athugasemdir
