sun 29. nóvember 2015 13:52
Ívan Guðjón Baldursson
England: Markalaust hjá Spurs og Chelsea
Mynd: Getty Images
Tottenham 0 - 0 Chelsea

Tottenham og Chelsea gerðu markalaust jafntefli er þau mættust í risaslag sem var fyrsti leikur ofursunnudagsins.

Heimamenn héldu boltanum betur og áttu fleiri marktilraunir en bæði lið komust nálægt því að skora í leiknum.

Chelsea varðist vel í leiknum sem var ekkert sérlega fjörugur nema á köflum og tókst hvorugu liði að skora.

Þetta er sjöunda jafntefli Tottenham á tímabilinu og er liðið sem fyrr í fimmta sæti deildarinnar á meðan Chelsea er í því fjórtánda. Tíu stig skilja liðin að.
Athugasemdir
banner