Ancelotti hefur ekki áhuga á að taka við liði á miðju tímabili.
Carlo Ancelotti viðurkennir að hann væri tilbúinn að taka við stjórnartaumunum hjá Manchester United en segist ekki ætla að taka við liði á miðju tímabili. Ancelotti hefur verið án félags síðan hann yfirgaf Real Madrid í maí á þessu ári.
Ancelotti hefur áhuga á að snúa aftur í enska boltann en hann var orðaður við stjórastöðuna á Old Trafford 2014 eftir að David Moyes var rekinn.
Ancelotti hefur áhuga á að snúa aftur í enska boltann en hann var orðaður við stjórastöðuna á Old Trafford 2014 eftir að David Moyes var rekinn.
Louis van Gaal fékk starfið en skiptar skoðanir eru á þeim hollenska, sérstaklega í ljósi þess að skemmtanagildið hjá United er í lágmarki.
„Hver einasti þjálfari hefur áhuga á að starfa fyrir Manchester United," segir Ancelotti.
„Ég sé alls ekki eftir því að hafa verið áfram hjá Real Madrid, ég naut þess mikið að starfa þar. Ég er til í að starfa hjá félagi sem er með gott verkefni í gangi en auðvitað verður það að keppa í fremstu röð."
„Þegar ég fór til PSG fór ég í félag með mjög gott verkefni. Þeir voru ekki félag með hefð eins og AC Milan eða Real Madrid en vildu stækka og eru enn á þeirri vegferð."
„Enska úrvalsdeildin er sú besta þegar kemur að andrúmsloftinu og metnaðinum. Ég væri til í að komast aftur í þetta umhverfi," segir Ancelotti sem vann deild og bikar með Chelsea á sínum tíma.
„Ég ætla að halda áfram að horfa á leiki, veiða og gera þessa hluti. Sjáum svo hvað gerist næsta sumar. Ég mun ekki taka að mér starf á miðju tímabili en er tilbúinn að mæta aftur í bransann næsta sumar."
Athugasemdir
