Bikarúrslitaleikur kvenna í Noregi fór fram í gær en þá sigraði Røa 2-1 gegn Asker. Þar með varð Røa tvöfaldur meistari í norska kvennaboltanum en fyrir leiktíðina sagðist Geir Nordby þjálfari liðsins ætla að hlaupa kringum völlinn á G-streng ef liðið myndi vinna bæði deild og bikar. Hann stóð svo við stóru orðin í gær og hljóp fáklæddur um Ullevaal völlinn strax eftir að sigurinn var í höfn!