„Ég er alltaf að læra og mér finnst ég reynslunni ríkari eftir hvern leik. Þó maður sé ekki gamall þá tekur maður eftir því að maður er farinn að lesa leikinn betur," sagði Aron Einar Gunnarsson, landsliðsfyrirliði í viðtali í útvarpsþættinum Fótbolti.net.
„Maður er farinn að staðsetja sig betur og þarf ekki að hlaupa eins mikið. Mér finnst ég vera að spila aðeins betur en á síðasta tímabili og vonandi skilar það sér inn í landsliðið."
Aron hefur verið að leika mjög vel fyrir Cardiff að undanförnu og verið besti leikmaður liðsins í síðustu leikjum.
„Við erum enn í möguleikanum að ná umspilssæti og við verðum að halda í við liðin þar. Það verður barátta um 5. og 6. sætið finnst mér. Hin liðin eru betri en þau fyrir neðan. Við þurfum að finna meiri stöðugleika. Við spilum oft flottan fótbolta en úrslitin sýna það samt ekki. Um leið og þetta byrjar að smella eigum við góðan möguleika á umspilinu."
Það var ýmislegt rætt við Aron í viðtalinu sem tekið var í gær. Þar á meðal hármissi hans, upptökur á þættinum um hann í Atvinnumennirnir okkar, íslenska matargerð og handbolta. Viðtalið má heyra í heild sinni í spilaranum hér að ofan.
Sjá einnig:
Hlustaðu á útvarpsþátt dagsins í heild
Athugasemdir