„Það var ýmislegt jákvætt í þessum fyrsta leik í marga mánuði. Þessi leikur kemur eftir helgi þar sem við vorum að keppa í Íslandsmótinu í Futsal svo það var smá þreyta. Miðað við það þá var þetta bara mjög gott. Við vorum að keppa gegn hrikalega góðu liði með marga mjög góða leikmenn," sagði Ejub Purisevic, þjálfari Víkinga.

„Eftir fyrri hálfleikinn vildum við laga til í varnarleiknum, vera aðeins þéttari og skynsamari. Við vildum halda boltanum innan liðsins."

Ólafsvíkingar unnu 1. deildina í fyrra og eru að búa sig undir sitt annað tímabil í efstu deild.

„Við eigum eftir að fá fleiri leikmenn. Við erum í leit að mönnum sem geta styrkt okkur. Við erum að reyna að fá vinstri bakvörð í stað Mumma og svo skoðum við hvaða leikmenn geta styrkt okkur. Við erum að fá tvo Spánverja og Króata í febrúar svo við verðum með aðeins stærri leikmannahóp," sagði Ejub en viðtalið má heyra í heild í spilaranum hér að ofan.