mið 13. janúar 2016 17:52
Elvar Geir Magnússon
Vináttulandsleikur: Arnór með sigurmarkið gegn Finnum
Arnór Ingvi Traustason.
Arnór Ingvi Traustason.
Mynd: Getty Images
Ísland 1 - 0 Finnland
1-0 Arnór Ingvi Traustason ('16)

Svíþjóðarmeistarinn Arnór Ingvi Traustason skoraði sitt fyrsta landsliðsmark þegar Ísland vann 1-0 sigur gegn Finnlandi í vináttulandsleik í Abu Dhabi. Markið reyndist eina mark leiksins.

Leikurinn var nokkuð hægur og skemmtanagildið ekki hátt. Finnar voru meira með boltann og áttu margar skottilraunir í seinni hálfleiknum en náðu ekki að koma boltanum framhjá markvörðum íslenska liðsins.

Hjörtur Logi Valgarðsson lagði upp mark Arnórs á skemmtilegan hátt, sendi boltann í gegnum klofið á varnarmanni Finna og Arnór kláraði vel í fyrsta. Arnór stóð sig vel í vináttuleikjunum í nóvember og gerir mjög sterkt tilkall til að fara með á EM.

Eiður Smári Guðjohnsen var fyrirliði Íslands í leiknum og átti mjög góðan leik þó aðeins hafi dregið af honum í lokin. Hann stýrði miðjunni vel.

Mjög jákvætt að hafa landað sigri en á laugardag verður annar vináttulandsleikur í Abu Dhabi, þá gegn Sameinuðu arabísku furstadæmunum.

Skoðaðu textalýsinguna frá leiknum

Sjáðu markið sem Arnór skoraði
Athugasemdir
banner
banner
banner
banner