Viðar Örn Kjartansson, framherji Jiangsu Suning, er orðaður við danska félagið AGF í Ekstra Bladet í dag.

Viðar Örn gæti verið á förum frá Jiangsu og hann hefur verið orðaður við mörg félög núna í janúar. Á dögunum var hann orðaður við Trabzonspor í Tyrklandi sem og Wolves á Englandi.

Þessi 25 ára gamli Selfyssingur er nú orðaður við AGF sem er í 9. sæti í dönsku úrvalsdeildinni í augnablikinu.

Framherjarnir Morten Nordstrand og Davit Skihrtladze hafa farið frá AGF í þessum mánuði og félagið vill fylla þeirra skarð.