Rúnar Kristinsson.
Það er nóg að gerast í fótboltanum og margt að ræða í útvarpsþættinum Fótbolti.net á X-inu FM 97,7 í dag milli 12 og 14 þar sem Tómas Þór Þórðarson og Elvar Geir Magnússon fara yfir sviðið.
Farið verður yfir fréttir vikunnar, undirbúningstímabilið á Íslandi, Guardiola og enska boltann.
Sævar Pétursson, framkvæmdastjóri KA, verður á línunni en Akureyrarliðið ætlar að gera aðra atlögu að Pepsi-deildinni í sumar og fengu Almarr Ormarsson heim í vikunni.
Þá verður viðtal við Rúnar Kristinsson, þjálfara Lilleström, sem er í óða önn að undirbúa sitt annað tímabil við stjórnvölinn hjá norska úrvalsdeildarliðinu.
Auk þess munu hlustendur velja vanmetnasta leikmann ensku úrvalsdeildarinnar í gegnum Snapchat en það verður kynnt nánar í þættinum.
Útvarpsþátturinn Fótbolti.net er á X-inu alla laugardaga kl. 12-14. Umsjónarmenn þáttarins eru Tómas Þór Þórðarson og Elvar Geir Magnússon. Hægt er að finna þá á X samfélagsmiðlinum undir @tomthordarson og @elvargeir.
Smelltu hér til að hlusta á upptökur úr eldri þáttum.
Þú getur hlustað á X-ið á netinu með því að smella hérna
Athugasemdir
