Luis Enrique, þjálfari Barcelona, segir að sóknarmaðurinn Neymar megi ekki láta þá erfiðleika sem hrjá hann utan vallar hafa áhrif á frammistöðu sína.
Brasilíski landsliðsfyrirliðinn hefur verið á forsíðum blaðanna undanfarið vegna réttarhalda yfir honum og föður sínum vegna skattsvika og annarra lögbrota í tengslum við félagaskipti hans frá Santos til Barcelona.
Neymar eldri reifst harkalega við fjölmiðlamenn á næturklúbbi þar sem Neymar hélt upp á 24 ára afmæli sitt á föstudag, tveimur dögum fyrir 2-0 sigur Börsunga gegn Levante. Enrique segir að leikmenn Barcelona megi ekki láta utanaðkomandi hluti trufla sig.
Brasilíski landsliðsfyrirliðinn hefur verið á forsíðum blaðanna undanfarið vegna réttarhalda yfir honum og föður sínum vegna skattsvika og annarra lögbrota í tengslum við félagaskipti hans frá Santos til Barcelona.
Neymar eldri reifst harkalega við fjölmiðlamenn á næturklúbbi þar sem Neymar hélt upp á 24 ára afmæli sitt á föstudag, tveimur dögum fyrir 2-0 sigur Börsunga gegn Levante. Enrique segir að leikmenn Barcelona megi ekki láta utanaðkomandi hluti trufla sig.
„Að vera leikmaður fyrir stórlið eins og Barcelona krefst mikils styrks," sagði Enrique á blaðamannafundi.
„Þú verður að vera undirbúinn fyrir hluti sem geta gerst innan vallar sem utan og allt það sem getur gerst í knattspyrnuheiminum."
„Það er erfitt fyrir leikmenn stórliða að höndla þessa hluti. En hver sá leikmaður sem hefur verið hérna lengi kann að höndla þetta."
Athugasemdir