Ýmsar vísbendingar virðast vera um að Jose Mourinho færist nær Manchester United. Háværar sögusagnir eru um að Mourinho muni gera þriggja ára samning við United og munnlegt samkomulag sé í höfn.
Enska slúðurpressan myndaði Mourinho nálægt heimili hans í London í morgun með Rui Faria, aðstoðarmanni sínum til margra ára. Ef Mourinho tekur við United er afar líklegt að hann taki Faria með sér.
Getgátur eru um að Mourinho sé þegar kominn í fullan undirbúning fyrir starfið hjá United.
Eins og við greindum frá í gær segir sagan að Andrea Berta, yfirmaður knattspyrnumála hjá Atletico Madrid, verði með Mourinho á Old Trafford.
Óánægja er með árangur og spilamennsku Manchester United á yfirstandandi tímabili og allt sem bendir til þess að Hollendingurinn Lous van Gaal sé á útleið.
Athugasemdir