„Þeir sýndu mikinn áhuga. Ég þekki þjálfarann frá tíma mínum á Englandi og þegar maður eins og Ole Gunnar Solskjær hringir og vill spjalla þá verður þú að minnsta kosti að svara," sagði Eiður brosandi.

„Við ræddum vel saman um möguleikana. Hann talaði um það hvernig hann myndi vilja sá þetta fyrir sér og ég sagði honum hvernig ég myndi vilja sjá þetta. VIð komumst auðveldlega að niðurstöðu."

Eiður getur spilað bæði á miðjunni og frammi en hann segist ekki hafa neinar sérstakar óskir hjá Molde. „Mér er sama, bara þar sem þjálfarinn vill að ég spili. Svo lengi sem ég er inni á vellinum þá er ég sáttur," sagði Eiður sem er spenntur fyrir komandi tímabili.

„Ég vil spila eins vel og ég get og hjálpa liðinu eins mikið og ég get. Vonandi getum við barist um titilinn."

Hér að neðan má horfa á viðtalið við Eið Smára í heild sinni.