Arnór Ingvi Traustason var á skotskónum í riðlakeppni sænska bikarsins í dag þegar liðið vann sigur á Östersund.
Arnór Ingvi var í byrjunarliði Norrköping í dag og það var hann sem lagði línurnar þegar hann skoraði fyrsta markið á 17. mínútu framhjá landa sínum Haraldi Björnssyni í marki Östersund.
Í kjölfarið fylgdu svo þrjú önnur mörk frá heimamönnum sem unnu þægilegan 4-0 sigur.
Jón Guðni Fjóluson byrjaði einnig hjá Norrköping í dag.
Athugasemdir