„Ég er gífurlega spenntur fyrir sumrinu með KA. Það var orðið þannig að ég var ekki inni í myndinni hjá Heimi (Guðjónsson) fyrir byrjunarliðssæti. Ég þarf að virða það, Heimir er góður þjálfari. Mér finnst ég vera það góður hafsent að ég eigi ekki að vera á bekknum neinsstaðar," sagði Guðmann Þórisson í viðtali í útvarpsþættinum Fótbolti.net á X-inu 97,7 nú rétt í þessu.
Guðmann er kominn til KA á láni frá FH. KA á einnig forkaupsrétt á Guðmanni í haust.
Guðmann er kominn til KA á láni frá FH. KA á einnig forkaupsrétt á Guðmanni í haust.
„Í gær var mér tilkynnt að það hefði verið samþykkt tilboð frá KA. Mér leist vel á þetta og ákvað að skella mér á þetta."
Guðmann hefur ekki spilað leik með FH síðan 20. mars og hann segist hafa lýst yfir óánægju sinni með stöðuna.
„Ég talaði fyrst við Bigga Jó (framkvædmastjóra FH) og sagði honum að tala við sína menn. Síðan fór ég á smá fund með Heimi í gær og við töluðum saman eins og menn."
„Ég hefði viljað fá meiri séns í vetur. Þetta er fyrsta undirbúningstímabilið í langan tíma þar sem ég hef verið heill og í standi og þá er leiðinlegt að vera á bekknum."
„Ég er samt ekki fýlupúki. Ég brosi og peppi felagana þó að ég sé ekki að spila. Maður er pirraður og í sumar hefði maður kannski ósjálfrátt orðið að fýlupúka ef maður hefði veriðá bekknum."
Guðmann segir að ekkert hafi komið upp á milli hans og Heimis þjálfara FH. „Ég var að reyna að rifja upp hvort það hefði verið eitthvað. Ég og Heimir höfum alltaf verið góðir vinir og það var ekkert sem gekk á milli sem olli því að ég fór á bekkinn eða fékk að fara. KA gerði gott tilboð og þeir samþykktu það."
KA hefur fengið mjög mikinn liðsstyrk í vetur og er spáð góðu gengi í 1. deildinni ís umar.
„Það eru spennandi tímar framundan hjá KA og vonandi komumst við upp. Ég er gífurlega sáttur, miðað við stöðuna sem ég var kominn í, hversu fljótt þetta var klárað," sagði Guðmann sem ætlar sér stóra hluti með KA.
„Ég set gríðarlega pressu á sjálfan mig, þarf að hugsa vel um mig og halda mér heilum. Þeir eru að leggja mikið í að fá mig og ég þarf að skila því til baka."
Hér að ofan má hlusta á viðtalið.
Athugasemdir