„Það er nú frekar erfitt að spá um sæti í þessari deild þar sem þjálfarar eiga erfitt með að sjá leiki hjá liðum og svo eru leikmannahóparnir ekki klárir hjá mörgum liðum fyrr en rétt fyrir mót. Þannig að úrslit í undirbúningsmótum segja oft ekki mikið til um komandi sumar. Einhver lið þarna verða með marga erlenda leikmenn hefur maður heyrt, og það hefur virkað vel undanfarin ár. Annars held ég að deildin í ár verði sú sterkasta og jafnasta miðað við undanfarin ár. Nú er það bara okkar að láta þessa spá rætast."

Addó telur sig vera með öflugri hóp en á síðasta ári.

„Já ég tel mig vera með sterkari og jafnari hóp heldur en í fyrra. Fyrir utan að menn eru árinu eldri að þá höfum við náð til okkar reynslumiklum mönnum sem við teljum að gefi okkur það sem okkur vantaði uppá í fyrra til að ná markmiðinu okkar."

Hvernig er stemningin í Breiðholtinu fyrir komandi tímabili?

„Stemningin er mjög góð, við höfum æft vel og lagt mikið á okkur. Það er mikill uppgangur hjá félaginu sjálfu og mikill hugur hjá meistarflokknum. Menn eru allir á sömu línu með hvaða árangri við ætlum að ná."

„Helsti styrkleiki okkar er breidd á hóp. Við höfum 25 leikmenn sem við getum valið úr og eru allir frekar jafnir, þannig að samkeppnin um fyrstu 11 sem byrja er gríðarlega mikil, sem verður til þess að tempóið á æfingum er gott og menn vita að þeir verða að vera í toppstandi til að vera í byrjunarliðinu," segir Addó en hvaða lið telur hann að verði í toppbaráttunni?

„Það er erfitt að segja, maður veit ekkert hvernig erlendu leikmennirnir eru sem bætast í hópinn hjá mörgum liðum. Þetta er gjörsamlega óútreiknanlegt. Ég myndi segja Grótta sem vann Lengjubikarinn um daginn, Afturelding og KV en svo sér maður til dæmis að Vestri verður með 8 erlenda leikmenn, við töpuðum fyrir Magna um daginn og svo unnum við Sindra í lengjubikarnum en þeir slá út fyrstu deildar lið í bikarnum í síðustu viku. Þannig að ég segi að það sé ómögurlegt að spá fyrir um þessa deild."