„Hann fór í aðgerð á hendinni og það lítur út fyrir að hann verði ekki mikið með okkur," sagði Þorvaldur Örlygsson þjálfari Keflvíkinga við Fótbolta.net.

„Hann verður í gifsi í marga mánuði og við getum lítið reiknað með Jóhanni Birni. Ef hann kemur til okkar í sumar þá er það plús."

Annar reynslubolti, Hólmar Örn Rúnarsson, sleit krossband á dögunum og verður ekkert með Keflavík í sumar.

Keflvíkingum er spáð 2. sætinu í Inkasso-deildinni en liðið mætir HK í 1. umferðinni annað kvöld.

Sjá einnig:
Þorvaldur Örlygs: Fyrsta deildin virðist vera eins og pólitíkin