Gylfi Þór Sigurðsson mun ekki leika meira með Swansea á þessu tímabili vegna meiðsla á öxl. Francesco Guidolin, stjóri Swansea, staðfesti þetta á fréttamannafundi í dag.
Gylfi spilar því ekki gegn West Ham um helgina né gegn Manchester City í lokaumferðinni.
Neil Taylor verður heldur ekki með Swansea gegn West Ham um helgina vegna meiðsla.
Gylfi spilar því ekki gegn West Ham um helgina né gegn Manchester City í lokaumferðinni.
Neil Taylor verður heldur ekki með Swansea gegn West Ham um helgina vegna meiðsla.
„Neil og Gylfi eru meiddir svo það er betra að þeir hvíli sig og verði í lagi fyrir næsta tímabil," sagði Guidolin.
Ashley Williams, fyrirliði Swansea, fær einnig hvíld eftir að hafa spilað allar mínútur með liðinu í vetur. Williams og Taylor eru á leið með landsliði Wales á EM í sumar.
Gylfi er einnig á leið þangað með íslenska landsliðinu. Landsliðshópurinn verður tilkynntur á mánudag en ekki hefur verið greint nánar frá því hversu alvarleg meiðsli Gylfa eru.
Athugasemdir