Danski landsliðsmaðurinn Viktor Fischer ferðaðist til Bretlands í morgun en Middlesbrough er að kaupa þennan 21 árs leikmann frá Ajax.
Fischer fer í læknisskoðun á morgun áður en hann hann fer í undirbúning með danska landsliðinu sem mætir Bosníu-Hersegóvínu í vináttulandsleik í næstu viku.
Fischer fer í læknisskoðun á morgun áður en hann hann fer í undirbúning með danska landsliðinu sem mætir Bosníu-Hersegóvínu í vináttulandsleik í næstu viku.
Red Bill Salzburg vildi einnig fá Fischer en Middlesbrough, sem komst upp í ensku úrvalsdeildina nýlega, hafði betur.
Fischer getur spilað í öllum sóknarstöðunum en hefur mest notið sín á vinstri vængnum. Hann var valinn efnilegasti leikmaður hollenska boltans 2013.
Hann átti í erfiðum meiðslum síðasta tímabil og lék aðeins fjóra leiki. Hann segist vera ákveðinn í að sanna sig á nýjan leik.
Athugasemdir