mið 25. maí 2016 19:00
Arnar Geir Halldórsson
Benítez semur til þriggja ára (Staðfest)
Benítez undirritar samninginn
Benítez undirritar samninginn
Mynd: Getty Images
Fréttir bárust af því fyrr í dag að Rafa Benítez hefði tekið ákvörðun um að halda áfram að stýra liði Newcastle United.

Þessar fréttir voru staðfestar af félaginu á heimasíðu þess nú í kvöld og kemur fram að Benítez hafi skrifað undir þriggja ára samning við Newcastle.

Benitez tók við liðinu í mars síðastliðinn en þessum reynslumikla Spánverja tókst ekki að halda Newcastle í úrvalsdeildinni og mun liðið því leika í Championship deildinni á næstu leiktíð.

„Ég er mjög ánægður að fá að halda áfram hjá Newcastle. Ég fann fyrir miklum stuðningi frá stuðningsmönnum félagsins og það hafði mikil áhrif á þessa ákvörðun mína," sagði Benítez þegar tilkynnt var um undirskriftina.

Benítez á langan þjálfaraferil að baki og hefur stýrt liðum á borð við Valencia, Napoli, Liverpool og Real Madrid.
Athugasemdir
banner
banner
banner
banner