„Það hefur verið stórkostlegt hvernig þeir hafa spilað. Að gera það sem þeir gerðu á móti Portúgal."

„Ronaldo hefði getað verið auðmjúkari eftir leikinn. Ísland gerði allt sem þeir gátu til að halda sér í leiknum. Þeir eru lítið land og það er mikið talað um þá í Englandi að það séu bara 330.000 mans á Íslandi."

„Hvernig ná þeir að koma 11 hæfileikaríkum knattspyrnumönnum á völlinn? Við sjáum Gylfa mikið á Englandi, hann spilar með Swansea. Hann er mjög vanmetinn og hann fær ekki það hrós sem hann á skilið. Hann skoraði úr mikilvægu víti í síðasta leik."

Hann segir afrek Íslands vera svipað og þegar Leicester varð Englandsmeistari.

„Þetta er ár lítilmagnanna, Leicester varð enskur meistari, þeir komu allt í einu og unnu og á þessu móti. Albanía og Ísland. Það er frábært að sjá árangurinn þeirra."

Hann segir möguleika Íslands gegn Austurríki vera góða.

„Austurríki er eitt af þeim liðum sem hafa valdið mestum vonbrigðum hingað til. Þetta hefur ekki smollið hjá þeim og pressan er byrjuð að tala. Leikmenn eins og Arnauntovic hafa ekki staðið sig og Alaba lítur út fyrir að vera meiddur. Það lítur vel út fyrir Ísland og ég held þeir ættu að reyna að vinna leikinn en það gæti orðið erfitt."

Fréttamaður Fótbolta.net benti honum þá á að sigri England í kvöld, dugi Íslandi jafntefli gegn Austurríki.

„Þú segir „bara" en þeir hafa sýnt að þeir hafi það sem til þarf. Sjálfstraustið er að aukast, þetta er fyrsta keppnin sem þeir spila í og þetta er frábær reynsla. Þeir gætu komið sjálfum sér á óvart. Þeir þurfa sigur, ef þú lætur á stigatölfurnar, þá eru mörg lið sem eru komin með þrjú stig á þessu stigi og það er mikil áhætta að spila upp á jafntefli."

Við bentum honum á að það væru jafn margir sem byggu í Coventry og á Íslandi.

„Það er stórkostlegt . Það er eins og það sé stór bær að koma hingað að standa sig svona vel. Ég er ekki viss um að þeir muni nokkurn tíman ná því aftur en kannski er þetta innblástur fyrir næstu kynslóð leikmanna."

Við fórum lítillega yfir England á EM.

„Við virðumst ætla að hvíla mikið af leikmönnum fyrir leikinn í kvöld. Hodgson hefur mikla trú á hópnum en kannski er hann að taka of mikla áhættu. Wayne Ronney byrjar ekki, þeir ætla að skipta út bakvörðum. Vardy og Sturridge gerðu vel þegar þeir komu inná. Við erum að þróast vel en okkur langar að enda efstir í riðlinum og fá lið sem endaði í þriðja sæti í sínum riðli. Þetta er búið að vera fín byrjun en við getum ennþá gert meira."