Nú styttist óðum í úrslitaleik Copa America þar sem boðið verður upp á endurtekið efni því Argentína og Síle mætast, líkt og í fyrra.

Í fyrra var leikurinn markalaus allt þar til í vítaspyrnukeppni þar sem Sílemenn höfðu betur.

Liðin mættust í riðlakeppninni í ár og þar höfðu Argentínumenn betur með tveimur mörkum gegn einu. Þar sáu Ever Banega og Angel Di Maria um markaskorun Argentínu og þeir eru báðir í byrjunarliðinu í kvöld en Di Maria snýr aftur eftir meiðsli sem hafa haldið honum frá vellinum stærstan hluta keppninnar.

Ekkert kemur á óvænt í uppstillingu ríkjandi meistara Síle þar sem stórstjörnurnar Claudio Bravo, Arturo Vidal og Alexis Sanchez eru á sínum stað.

Argentínumenn unnu öruggan 4-0 sigur á Bandaríkjamönnum í undanúrslitum eftir að hafa unnið ekki síður öruggan 4-1 sigur á Venezúela í 8-liða úrslitum.

Sílemenn hafa sömuleiðis verið mjög sannfærandi en liðið vann ótrúlegan 7-0 sigur á Mexíkó í 8-liða úrslitum og vann svo 2-0 sigur á Kólumbíu í undanúrslitum.