Hjörtur og Guðjón fóru um víðan völl í viðtalinu, en aðallega var rætt um íslenska landsliðið. Ísland tapaði gegn Frökkum í 8-liða úrslitum á EM á laugardaginn síðasta, en Guðjón segir að Frakkar hafi nálgast þann leik hárrétt.

„Þeir voru búnir að lesa okkur og gerðu hluti sem ég hélt að Englendingar myndu gera. Þeir nálguðust þetta sennilega af hroka og yfirlæti og héldu að þeir þyrftu ekki að undirbúa sig neitt. Frakkarnir gerðu það ekki, þeir hældu okkur og hrósuðu og það hefur kannski deyft nálgunina hjá okkur,“ sagði þjálfarinn gamalreyndi.

„Þeir bökkuðu og sóttu svo af krafti á okkur, með gegnumbrotsleiðum sem við áttum fullt í fangi með að svara. Frakkarnir eru betur skipulagðir en Englendingar og svo eru þeir með miklu betri liðsheild.“

Einnig vær rætt um hver næstu skref hjá landsliðinu eru. Eins og frægt er orðið þá mun Lars Lagerback og Heimir Hallgrímsson taka einn við landsliðinu. Hann á enn eftir að ráða aðstoðarmann og Guðjón fékk spurningu um það hvort að hann hefði áhuga á starfinu.

Ég á ekki von á því að KSÍ bjóði mér neina vinnu. Ég hef ekki trú á því að ég passi inn í það munstur. Það er ekkert verið að leitast eftir mínum kröftum þar frekar en annars staðar,“ sagði Guðjón.

Hlusta má á viðtalið í heild sinni með því að smella hér, en þar ræðir Guðjón meðal annars einnig um Frakkaleikina frægu í undankeppninni fyrir EM árið 2000.