Arnar Bill er til vinstri á þessari mynd.
Ungir og efnilegir leikmenn hafa verið lítið áberandi það sem af er í Pepsi-deildinni og sárafáir kandídatar bítast um að vera valinn efnilegasti leikmaðurinn. Rætt var við Arnar Bill Gunnarsson, fræðslustjóra KSÍ, í útvarpsþættinum Fótbolti.net í gær.
Hann tekur undir að það sé áhyggjuefni hve fáar mínútur ungir leikmenn eru að fá hér á landi.
Hann tekur undir að það sé áhyggjuefni hve fáar mínútur ungir leikmenn eru að fá hér á landi.
„Það virðist vera of mikið í húfi svo að strákar fái tækifæri í meira en einn leik eða 20 mínútur. Menn hafa kannski fundið lykt af Evrópupeningum og reyna að fara í útlendinga til að ná þeim," segir Arnar.
Í Pepsi-deildinni má finna marga erlenda leikmenn sem eru einfaldlega slakir.
„Góðir útlendingar styrkja deildina sem er frábært og þeir æfa með ungu strákunum og gera þá betri. Það er engin spurning að góðir útlendingar gera gott fyrir deildina en á sama tíma er grátegt að horfa á lélega útlendinga taka pláss frá ungu leikmönnunum."
Hlustaðu á viðtalið við Arnar í heild sinni í spilaranum hér að ofan en þar segir Arnar meðal annars frá tillögu sem lögð hefur verið fram til að nýta peninga sem KSÍ fékk fyrir EM til að gera ungu leikmennina okkar betri.
Athugasemdir
