Hilmar Árni Halldórsson var hetja Stjörnumanna í kvöld þegar liðið heimsótti Fylki í Árbæinn.
Fylkismenn komust yfir eftir rúmlega klukkutíma leik og virtust vera að sigla sigri í höfn þangað til Hilmar Árni tók leikinn í sínar hendur á lokamínútunum.
„Tilfinningin var góð. Það var mikill léttir að ná að klára þennan ljóta leik af okkar hálfu. Þetta var mjög mikilvægur leikur og við þurftum á þessum þrem stigum að halda svo það er þvílikt jákvætt að ná að klára þennan leik."
„Ég verð að gefa kredit á Fylkismenn. Þeir spiluðu virkilega góðan varnarleik og við sköpuðum okkur voða lítið," segir Hilmar Árni.
Fyrra mark Hilmars kom úr aukaspyrnu en Fylkismenn voru afar ósáttir með aukaspyrnudóminn. Var þetta brot að mati Hilmars?
„Já frá mínu sjónarhorni en ég er enginn sérfræðingur og ég sá þetta kannski frekar illa," sagði Hilmar Árni.
Athugasemdir